5/29咱來說台語

各位小朋友逐家好! 我是玫秀老師。逐家好! 我是六年二班的李書妍。

有一條歌是咧寫平溪放天燈的意義，歌詞是按呢寫的。

天燈

紅紅的天燈，佇天頂飛，

思念祝福親像星佮月，

飛過山，飛過溪，

真情感動冷清的暗暝。

希望的天燈，佇天頂飛，

感恩鼓勵一个綴一个，

飛懸懸，飛仝齊，

幸福平安用心來走揣。

閃爍的天燈，佇天頂飛，

一蕊一蕊開佇心肝底，

天愈黑，愈美麗，

堅心守護可愛的土地。