各位小朋友，逐家好! 我是玫秀老師。我是五年五班的傅思軒。
頂禮拜的主題，咱講的是「牛」，這禮拜咱繼續來學幾句仔佮牛有關係的俗諺。
1.
有心做牛，免驚無犁通拖。 『只要肯努力，不怕沒工作可做。』
只要肯拍拼，免驚無工課通做。
2. 牛牽到北京嘛是牛。
『牛牽到北京也是牛。比喻江山易改，本性難移。』
3. 做人著磨，做牛著拖。
『比喻做人需要磨練。』
咱閣來餾一遍:
有心做牛，免驚無犁通拖。
牛牽到北京嘛是牛。
做人著磨，做牛著拖。
