朗讀小天使~四年一班 施品妍
龜兔賽跑
兔仔有四肢跤，走甲真緊，龜嘛有四肢跤，毋過爬了真慢。有一工，兔仔拄著龜，伊就笑笑講: 「龜，咱來比賽看啥走較緊好無? 」龜無插伊，兔仔就講: 「我就知影你毋敢，因為你一定會走輸我。」龜真受氣，就講: 「好，咱就對遮開始走，看佗一个先走到山跤。」
「準備! 一，兩，三，開始。」兔仔起跤就走，一下仔就走真遠矣。伊越頭看，龜才爬無偌遠。「哈哈，我就知影龜一定走輸我。」伊就決定欲好好仔睏一下，等龜爬到遮的時，才閣起來走就好矣，所以兔仔就倒落去睏矣。龜慢慢仔爬，爬到兔仔的身軀邊，閣繼續慢慢仔爬，最後總算到矣。兔仔咧? 伊閣繼續咧睏呢!
「有心拍鐵，鐵成針。」對龜的身上，咱看出「信心」帶來行動力，這是值得咱學習的。
下面請逐家來欣賞「兔仔食腥臊」佮「紅龜粿」。
歌曲
