好心的豬
廣播小天使:四年四班的邱信愷
有一口水井已經焦涸涸矣。彼工，一隻貓仔無細膩跋落去，伊大聲喝救命。有一隻豬仔拄好經過遐，伊聽著貓仔咧喝救命的聲，就緊去提一捆索仔，規个共擲落去水井內底。
貓仔看著就吐大氣講: 「好心的豬仔，真多謝你。毋過你應該共索仔的一爿搝咧才著啊。」豬仔聽煞，隨跳入去水井內底，然後共索仔搝咧，講: 「我搝好矣，你會當出去矣。」
好心的豬仔一下就共規捆索仔擲落去水井內底，家己閣隨跳入去，就算有共一爿的索仔搝牢咧，貓仔嘛是無法度出去。所以講，咱做代誌著愛觀前顧後才袂毋著喔!
這馬就請逐家做伙來欣賞兩條歌曲「貓咪愛洗面」佮「豬仔囝」。
