各位小朋友，逐家好!
老師: 你敢有試過共臺灣的地圖掠坦橫的來看，敢是
誠成一隻海翁 -「鯨魚」咧?
學生(五年六班蔡睿婷): 著矣! 基隆就是海翁的喙；啊那尾溜就是屏東
縣。我捌去過屏東的墾丁，遐足好耍的。老師，
我知影有一條囡仔歌-「臺灣上出名」是按呢寫
的。喔! 讀看覓咧!
臺灣出碗粿，碗粿圓圓圓；
花蓮出麻糍，麻糍𩚨𩚨𩚨；
西螺出豆油，豆油烏烏烏；
南投出香菇，香菇芳芳芳；
新化飼蜜蜂，蜜蜂颺颺飛；
石門放風吹，風吹真好看；
苗栗出火炭，火炭真好燃；臺灣上出名。
老師: 咱會當蹛佇臺灣這塊美麗的土地，加上臺灣上媠的風景-人情味，真正是福氣啦! 這馬請逐家來欣賞這條歌曲 -「臺灣 美麗的海翁」。
