各位小朋友，逐家好!
老師:你敢有看過人咧磅米芳?
學生(五年二班徐育呈):有啊! Póng一聲有夠大聲，逐擺我攏去予驚著。
老師:你敢知影米芳毋但會當用磅的，閣會當用炒的?有一條歌就叫做「一的炒米芳」。
學生:喔!我有聽過: 一的炒米芳；二的炒韭菜；三的強強滾；四的炒米粉…。
老師:讀甲真紲喙喔! 佇較早無電動的年代，𨑨迌的方式攏真環保，共別人的手骨當作鼎仔咧炒菜，毋但好耍，閣會當交朋友。真正是「一兼二顧，摸蜊仔兼洗褲」。
學生:按呢咱就緊來聽這條台灣的『拍手歌』 - 拍噗仔歌，「一的炒米芳」。
「一的炒米芳」歌曲出處:
https://www.youtube.com/watch?v=6-59W6wriGM
